Txomin Eneako udal etxebizitza tasatuak esleitzeko prozeduraren oinarriak Donostian
Deialdi honen xedea da ezartzea «Txomin Enea» izeneko sustapeneko udal etxebizitza tasatuak esleitzeko prozeduraren baldintzak. Prozeduraren xedea diren etxebizitzak erregimen bereziko udal etxebizitza tasatuak dira, eta erabateko jabegoan lagako dira.
Etxebizitzak eskuratzeko, baldintza pertsonal eta ekonomikoen gainean eta etxebizitza premiari lotuta ondoren Oinarrietan azaltzen diren eskakizunak bete beharko dira.
Interesa duten pertsonek egiaztatu beharko dute 2015eko zerga ekitaldiari dagozkion urteko diru sarrera haztatuak ondoren aipatzen diren gehienezko eta gutxienezko zenbatekoen artean daudela:
Gutxienez: 25.000 €
Gehienez: 50.700 €
Irisgarritasunaren alorrean indarrean dagoen araudi autonomikoan ezarritako proportzioan egokitutako etxebizitzak sartuko dira.
Esleipena egiteko, hauek hartuko dira kontuan: aurrez ezarritako etxebizitzen hurrenkera; pertsonek eta famili unitateek zer kupotan parte hartuko duten; eta eskatzaile bakoitzak aurkeztutako dokumentazioaren arabera eta Oinarri hauetako seigarren puntuan adierazitako baremoa aplikatuz lortutako puntuazioaren hurrenkera. Puntuazio handienetik txikienera esleituko da.
Zerrendak egiteko, kontuan hartuko dira Donostiako Etxegintza—Entidad Pública Empresarial de Vivienda Erakundearen Etxebizitza Eskatzaileen Udal Erregistroan aurretik izena emanda edo ez emanda, prozeduran hartzeko asmoa modu frogagarrian adierazten dutenek 2017ko urtarrilaren 19 a arte, egun hori barne.