Turismoaren Nazioarteko Eguna, Elkarteanen Manifestua

ADIERAZTEN DUGU

Irailaren 27an Turismoaren Nazioarteko Eguna ospatzen da, komunitatea turismoaren balio sozial, kultural, politiko eta ekonomikoaz kontzientziatzeko. Egun honetan, pertsona guztien aukera-berdintasuna bermatuko duen turismo irisgarri eta inklusiboa sustatzearen garrantzia nabarmentzen dugu, eta gizartearen eta ekonomiaren ikuspegitik hain garrantzitsua den eremuan oraindik ere gertatzen diren diskriminazio-egoerak salatzen ditugu.

Desgaitasuna duten pertsonen eskubideei buruzko Konbentzioaren   30. artikuluan Estatuek neurri egoki guztiak hartu behar dituztela zehazten da pertsona desgaituek turismo-zerbitzuetarako sarbidea baldintza berdinetan izan dezaten bermatzeko. 9.artikuluan aldiz, Ingurune fisikoan, garraioan, informazioan eta komunikazioetan sartzeko eskubidea aitortzen da, informazioaren eta komunikazioen sistemak eta teknologiak barne, bai eta jendeari irekitako edo erabilera publikoko beste zerbitzu eta instalazio batzuetan sartzeko eskubidea ere, bai  hiriguneetan zein landa-eremuetan.

Beste alde batetik, Euskadiko Turismoaren uztailaren 28ko 13/2016 Legearen helburuen artean honako hau dago: "turismo-baliabide eta -zerbitzuetarako irisgarritasun unibertsala bultzatzea, indarreko legerian ezarritako baldintzetan ulertuta, bai eta informazio-eskubidea ere, baldintza berberetan".

Aitortutako eskubide-esparrua eta zalantzarik gabe egindako aurrerapenak irisgarritasun-gabeziak eta ikuspegi inklusiborik gabeko politikak daude oraindik, non desberdintasuna, diskriminazioa eta segregazioa eragiten dutenak. Hala, turismo-ostatuetan, garraioan, espazio publikoetan edo informazio- eta komunikazio-sistemetan irisgarritasun-eskakizunak ez betetzeak biztanleriaren zati handi bat, zehazki  desgaitasuna duten pertsonak, baliabide eta zerbitzu turistikoetara berdintasun-baldintzetan iristeko eta haietaz gozatzeko eskubideaz mugatuta edo gabetuta egotea eragiten du.

Guzti horrengatik,

ALDARRIKATZEN DUGU

•  Euskadiko baliabide eta zerbitzu turistikoen irisgarritasun unibertsaleko baldintzak bermatzea, indarrean dauden arauak eraginkortasunez aplikatuz.
• Euskadiko erakundeek diseinatutako turismo-politiken ikuspegi inklusiboa txertatzea, pertsona guztientzako turismoa bermatzeko.
•  Desgaitasuna duten pertsonak ordezkatzen dituzten Euskadiko Hirugarren Sektore Sozialeko erakundeen parte-hartzea bermatzea politika turistikoen diseinuan eta ezarpenean.
• Euskadiko baliabide eta zerbitzu turistikoen irisgarritasun- eta inklusio-baldintzei buruzko informazio-tresnak eta -baliabideak sustatzea eta zabaltzea.
• Irisgarritasun unibertsalaren arloko prestakuntza-prozesuak bultzatzea eta turismo-sektorea osatzen duten eragileen multzoan sartzea.

Turismoaren Nazioarteko egun honetan, gizarteratzearekin eta irisgarritasunarekin dugun konpromisoa berresten dugu, eskubide gisa aitortuta baitaude desgaitasuna duten pertsonen eskubideei buruzko Konbentzioan. Turismoa pertsona guztiok, gure gaitasunak alde batera utzita, bete-betean parte hartzeko eta gozatzeko moduko jarduera izan behar da. Horregatik, dei egiten diegu administrazio publikoei eta, oro har, gizarteari elkarrekin lan egiteko eta benetan turismo  irisgarria eta inklusiboa lortzeko.